2023 թվականի նոյեմբերի 25-ից ուժի մեջ մտած ՀՀ աշխատանքային օրենսգրքով նախատեսված նոր կարգավորումները հեռավար աշխատանքի վերաբերյալ

2023 թվականի նոյեմբերի 25-ից ուժի մեջ են մտել ՀՀ աշխատանքային օրենսգրքով նախատեսված նոր կարգավորումները հեռավար աշխատանքի վերաբերյալ:

Հեռավար աշխատանքն աշխատողի աշխատանքային պարտականությունների կատարումն է առանց աշխատանքի վայր ներկայանալու:

Հեռավար աշխատանքը կատարվում է աշխատողի և գործատուի (անկախ սեփականության ձևից և կազմակերպաիրավական տեսակից) փոխադարձ համաձայնությամբ, եթե աշխատանքի բնույթը թույլ է տալիս այն կատարել նաև հեռավար եղանակով:

Աշխատանքի էական պայմանների փոփոխություն չհամարվելով, աշխատանքը հեռավար կատարելու մասին կողմերի ձևակերպվում է գրավոր։

Աշխատանքային պարտականությունները հեռավար եղանակով կատարելու ժամանակահատվածում աշխատողը պետք է ապահովի աշխատանքային պարտականությունների պատշաճ կատարումը, ինչպես նաև գործատուի համար իր հասանելիությունը՝ փոխադարձ համաձայնեցված եղանակով: Աշխատողի մեղքով սույն մասով սահմանված պահանջի չկատարումը համարվում է աշխատանքային կարգապահության խախտում:

Գործատուի մոտ Հայաստանի Հանրապետության տարածքից դուրս հեռավար աշխատող օտարերկրացիների վրա այլևս չի տարածվում կացության կարգավիճակ ունենալու պահանջը։

Այս և մնացյալ բոլոր կարգավորումները հեռավար աշխատանքի վերաբերյալ սահմանված են ՀՀ Աշխատանքային օրենսգրքի 106․1 հոդվածով։

Աշխատանքային հարցերի վերաբերյալ խորհրդատվություն և/կամ իրավական աջակցություն ստանալու համար կարող եք զանգահարել +374 91-555-447 հեռախոսահամարին։